مع الأولمبياد.. جاپوني شرمل 10 بجنوية وسط تران ف طوكيو واعتارف للبوليس: بغيت نقتل العيالات الفرحانات حيت ماداتها فيا حتى وحدة – فيديو

بوليس طوكيو شدو جاپوني عندو 36 عام، ضرب 10 ركاب ديال تران بشكل عشوائي، لبارح الجمعة، ف سيتاكَايا (Setagaya) بالعاصمة الجابونية.
ووحدة من المصابين هي ف حالة خطيرة، بحيث ضربها المتهم فكرشها وظهرها، لكن كاين أمل كبير أنها تتعافى، بينما لخرين تصابو بجروح خفيفة.
وقال المتهم، اللي سميتو "يوسوكي تسوشيما"، للبوليس، بعدما سلم راسو، أنه من هادي 6 سنين وهو باغي يقتل العيالات الفرحانات وليكوپل، ودار داك الهجوم فالتران حيت بانولو بزاف ناشطات.
وقال أنه تعرض للسخرية والرفض من العيالات، وماداتها فيه حتى وحدة، الشي اللي خلاه يكون حاقد عليهم.