اجتمع إدريس لشكر، الكاتب الأول لحزب الاتحاد الاشتراكي للقوات الشعبية، اليوم الأربعاء، مع النائب البرلماني عن إقليمالناظور، محمد أبرشان، والمجموعة نتاعو الجديدة اللي استقطبها من حزبي الحركة الشعبية والتجمع الوطني للأحرار، وتفاهم معاهم على الانتخابات د الناظور. وقالت مصادر ل "كود" فضلت عدم الكشف عن الاسم نتاعها، أن إدريس لشكر، غا يرشح محمد أبركان ف الانتخابات التشريعية د الناظور، فيما تم التفاهم على منح التزكية ل سليمان أزواغ اللي كان محسوب على "الحمامة" باش اكون وكيل لائحة "الوردة" ف جماعة الناظور. وأضافت نفس المصادر، أن جمال بوصابون اللي سمح فحزب "السنبلة" والتحق بالاتحاد الاشتراكي، هو اللي غا يكون وكيل لائحة المجلس الإقليمي، فيما وكيلة لائحة الجهة غا تكون البرلمانية ابتسام مراس. ويشار إلى أن محمد أبرشان اللي تعرضات عليه التزكية نتاع كل من حزبي "السنبلة" و "الحمامة" صدق واخذ ليهم الناس نتاوعهم وجابهم ل الاتحاد الاشتراكي، حيت ك يراهن باش اجيب الرتبة الأولى ف الاستحقاقات التشريعية الماجيا.
