تصنيع ڤاكسان كورونا فالمغرب. قالو كلفة المشروع 500 مليون دولار والانتاج 5 مليون يوميا وما قالوش وقتاش يبداو

البارح كان بفاس حفل إطلاق وتوقيع اتفاقيات تتعلق بمشروع تصنيع وتعبئة اللقاح المضاد لكوفيد- 19 ولقاحات أخرى بالمغرب. هاد الشي باش يمكن لبلادنا "إنتاج" ڤاكسان ضد كورونا وغيرها.
وفق المعطيات اللي قدموها قدام الملك. فاللول غادي يتنتج 5 ملايين جرعة من اللقاح المضاد لكوفيد-19 فالشهر٬ كبدية. باش يكون هاد الشي ممكن٬ توجدات 500 مليون دولار استثمار
غير هو لا فكلمة وزير الصحة ولا كلمة سمير مشور الخبير الدولي في البيوتكنولوجيا الصناعية، اللي تكلف ب"مشروع تعبئة وتصنيع لقاح مضاد للفيروس ولقاحات أخرى في المغرب"٬ ما كاينش تاريخ محدد لبدء التصنيع.
حتى فكلمات الرئيس المدير العام لمجموعة سينوفارم ليو جينغ تشن ولا الرئيس المدير العام لشركة ريسيفارم السويدي مارك فانك ما جبدوش تاريخ محدد.
اللي توقع قدام الملك هو 3 اتفاقيات:
1 . مذكرة تعاون بشأن اللقاح المضاد لكوفيد 19 بين الدولة المغربية والمجموعة الصيدلية الوطنية للصين "سينوفارم"
2. مذكرة تفاهم حول إعداد قدرات تصنيع اللقاحات بالمملكة المغربية بين الدولة المغربية وشركة "ريسيفارم"
3 – عقد وضع رهن إشارة الدولة المغربية منشآت التعبئة المعقمة لشركة "سوطيما" المغربية المتخصصة في صناعة الأدوية، من أجل تصنيع اللقاح المضاد لكوفيد-19 المملوك لشركة (سينوفارم) بين الدولة المغربية وشركة سوطيما