محاكمتو تأجلات حتى ل6 يوليوز.. الراضي كيأكد: علاقتي ببوطاهر رضائية

أجلات غرفة الجنايات الإبتدائية فمحكمة الاستئناف فكازا، النظر فقضية الصحافي المعتقل، عمر الراضي، حتى ل6 يوليوز.
وقررات المحكمة، فجلسة اليوم الثلاثاء، رفض جميع الطلبات والدفوع الشكلية اللي تقدمو بيها طرفي الدفاع، ومنها طلبات إجراء الخبرة الطبية على المشتكية حفصة بوطاهر، ولليست ديال الشهود.
وفكلمتو اللي لقاها قدام القاضي، عاود جدد الراضي الهضرة على أن العلاقة اللي كانت بيناتهم رضائية، وهضر على تفاصيل لقاءهم فديك الليلة اللي تجمعو فيها عند مول الموقع اللي خدامين فيه، وكشف أن المبادرة جات منها.
وشدد الراضي على أن بوطاهر "مستغلها المخزن فهذ القضية ضدو"، والمحاكمة انتقام منو على عملو كصحفي.
الجلسة عرفات حضور المشتكية بالراضي، حفصة بوطاهر، كيف شهدات مناوشات حادة بين طرفي الدفاع.
ومتابع الراضي بتهمة الاغتصاب وتلقي أمواج اجنبية للمس بأمن البلاد الداخلي.