ميركاتو انتخابات 2021. لشكر تصيد.. المنصوري دار ليه خاويا فعامرة فمراكش

الاتحاد الاشتراكي للقوات الشعبية تزمط فقضية استقطاب البروفيسور احمد المنصوري، اللي جا من التقدم والاشتراكية. بحيث اعلن المنصوري يوم أمس عن تقديم استقالته من الاتحاد الاشتراكي.
الاتحاد كان داير الهيلالة على استقطاب المنصوري ودار مقالات فالموقع اللي تابع ليه، بلي الوردة استقطبت المئات من منخرطي واعضاء التقدم والاشتراكية بقيادة البروفيسور المنصوري.
دبا المنصور مشا فحالو، والبيت الداخلي للاتحاد فمراكش تعرض لهزة تنظيمية غير مسبوقة، غاتكون عندها تداعيات على المستقبل الانتخابي للحزب فالاستحقاقات القريبة.
وحسب مصادر "كود" هاد المنصوري غير كبرو ليه الشان، مافيدوش انتخابيا، حسب مصدر فالمكتب السياسي لحزب "التقدم والاشتراكية".