التايلاند و أندونيسيا.. جوائز فيها دجاج و بكَر و رحلات فابور باش يشجعو الناس يديرو الفاكَسان ضد كورونا! – فيديو

بزاف الناس في التايلاند و أندونيسيا ماباغينش يديرو الفاكسان، هادشي اللي خلا المسؤولين يحاولو بجميع الوسائل باش يشجعوهم على التلقيح.
هادشي اللي وقع ف عدد من البلايص فالبلدين، والمسؤولين المحليين فكرو يديرو مسابقات ويفرقو على الرابحين فيها عدد من الجوائز و كادوات مختالفة وها العار غير يمشيو يديرو الجلبة ضد فيروس كورونا.
من بين الجوائز كاينة پرطمة ورحلات ديال كونجي فيها كلشي خالص، وزيد عليها الدجاج و البكَر حتى هو.
السلطات، على حساب كل بلاصة وهي ، دايرين أيضا طومبولات للرباح وبحال الناس اللي ساكنين في العروبيات دايرين ليهم قرعة باش يربحو البهايم، وهاد المسابقات حققو نجاح وتفاعل كبير.