بالفيديو.. مضاربة خايبة وسط طيارة خلات البيلوط يقلب طريقو وينزل ف أقرب بلاصة

وقعات مضاربة خايبة وسط طيارة كانت غادية من لوس أنجلوس ل أطلنطا وهادشي اللي خلا البيلوط يبدل مسار الرحلة باش يهبط ف أقرب مطار.
موظف في شركة "دلتا إرلاينز Delta airlines" ضارب مع مسافر على قبل الكمامة، هاد الأخير كان على سبة و نوض روينة في الطيارة وهدد باش يطيحها كَاع.
الناس تخلعو خصوصا أن المسافر كان معصب بزاف وهاجم المضيفين وبدا كيشير ف كَاع الإتجاهات.