مارين لولين : كانحيي ملك المغرب محمد السادس على القرار ديالو بإرجاع القاصرين المغاربة

اليوم فبرنامج Le Grand Jury لي كايدوز فقناة LCI الفرنسية، مارين لوبين و هي كاتهضر على الهجرة و خصوصا هجرة القاصرين قالت انها كاتحيي الملك محمد السادس على القرار ديالو بإرجاع القاصرين المغاربة و أنه قرار سديد.
مارين لوبين اعتابرات ان المغرب و الجزائر و تونس من الدول لي القاصرين ديالها ماكايعيشوش فشي ظروف قاهرة لي تفسر الهجرة ديالهم و انه يجب الارجاع ديالهم لبلدهم الأم فأقرب فرصة خصوصا و أنه الرعاية ديالهم مكلفة للدولة الفرنسية و لدافعي الضرائب.
للإشارة، لوبين هي سياسية فرنسية وبرلمانية أوروبية عن فرنسا ورئيسة حزب الجبهة الوطنية FN اليميني اللي ولى سميتو التجمع الوطني RN.. ومارين هي بنت مؤسسه ورئيسه السابق جان ماري لوبين، الزعيم اليميني اللي خاضت ضدو صراع حول زعامة الحزب.
https://www.lci.fr/politique/en-direct-elections-regionales-marine-le-pen-predit-une-deroute-pour-larem-2185005.html