سكوب. ها وقتاش يفتحو الحدود الجوية والبحرية. بالتدريج وعلى 3 مراحل

توقعت مصادر ل"كود" ان يتم فتح الحدود المغربية للرحلات الدولية بالتدريج. وفق مصادر "كود" فان هاداك الشي للي داروه ففتح الجوامع غادي يطبق ففتح الحدود.
مصدر "كود" توقع باش تبدا المرحلة الاولى نهار 15 يونيو 2021. يمكن هاد المرحلة غادية تكون غير لمغاربة العالم ولكن مازال ما كاين حتى شي حاجة رسمية دابا
بعد ذلك غادية تجي مرحلة ثانية٬ وفق مصدر "كود"٬ ما بين 25 و30 يونيو فيها مرحلة جديدة تتوسع لتشمل فئات جديدة يمكن ليها تدخل للمغرب بحرا او جوا
ثم تجي المرحلة الثالثة ف7 يوليوز وغادي يمكن يفتحو الحدود بشكل كامل. للسياح لكاع اللي يدخل المغرب تقول مصادر "كود"
دابا يمكن يكون شي بيان قبل 10 يونيو على هاد الشي
الرباط كانت دارت مفاوضات مع الاتحاد الاوربي باش تكون المعاملة بالمثل مع السياح اللي كيدخلو المغرب او اللي غادي يمشي من المغرب لاوربا