ناضت صباط فحكومة سبتة. شعلات ببن مستشار بوكس ورئيس الحكومة المحلية

لبارح الخميس، ناضت صباط بين مستشار حزب بوكس فالحكومة المحلية لسبتة المحتلة كارلوس بيرديخو، ورئيس الحكومة المحلية خوان بيباس.
بيرديخو بدا غير كيشير بالاتهامات، منها ان الحكومة المحلية مادارتش خدمتها، وكان خاصها دير جلسة استثنائية فاش بدا الغزو المغربي كيف كيوصفوه، وقال لفاطمة حامد وهي مستشارة مسلمة من أصول مغربية أنها نائبة مغربية داخل الحكومة المحلية، ودخل فدباز معاها، قبل أن يتم تعليق الجلسة.
ورد خوان بيباس على الهضرة ديال بي ديخو، قاليه أنه هاد الحكومة دارت خدمتها ولكن نتا لي كنتي هربان، وماجيتيش لمقر الحكومة المحلية حتى لليوم، وبعدما بدا غوات المستشارين كيطلع تم تعليق الجلسة.