نسا الهمّ ينساك 25 يوليوز 2011

قاليك هذا واحد لمكلخ اول مرة مشا لمدينة. دخل لواحد الدرب ، هوا يلقا واحد جماعا كايتحششو، شويا كانت جايا سطافيط لبوليس، هوا يقوليه واحد لمحشش واهرب اصاحبي راه صطافيط جايا، هوا داك لمكلخ مافهمش بقا واقف تا جات سطافيط، هوا يمشي عند لبوليسي لي خارج من سطافيط قاليه اهرب المصخوط راه صطافيط جايا !!!
------------------------------------------------------------
هادا واحد لمرا مين كايمشي راجلها كادخل عليها لدار 3 ديال رجال (كاتفسد على راجلها) واحد نهار رجع راجلها على غفلى أهوما يتخبعو فلخناشي. هوا يقوليها اشنو هادشي. هي تقوليه هادي تقضية جبتها . هوا يركل خنشا الولا هوا يسمع ''قوقو عوش" (زعما دجاج). ركل لخنشة ثانية سمع "باع" قاليها مزيان راكي جبتي حولي. ركل ثالثة ماسمع والو. بدا كايركل فيها كايركل فيها هوا يخرجلو راجل قاليه امال مّك باطاطا كتهدر؟
-----------------------------------------------------------------------
هدا واحد مكلخخخخخخ كايقرا وماعمرو مهز صبعو. واحد لمرّا قاليه الاستاذ وقف نتا. قاليه: واش آنآآ؟ قاليه ايه نتا، رسملو شجرا قاليه قولي شنو هادي قاليه : واش آنا؟ قاليه اييه نتا شنو هادي. قاليه : سبورآآ؟ قاليه لا (دارسبعو حدا شجرة) هادي. قاليه صبعك؟ قاليه لآآا (هوا يجبد لعصا ودارها فالشجرة لّي رسم) قاليه هآآديييييي. قاليه لخوشبا؟ قاليه وايلا نجحتي اولدي بزق عليا. قاليه واش دابا؟ قاليه نوض خرج عليا. قاليه اوستآآاد ، عدنا عوطلآآآ؟؟؟؟
-----------------------------------------------------------------------
هادا واحد راجل كايمشي لقهوة مين كيبغي ينوض كايرمي على ڭارسون 50 دريال مسرفة ريالات. ولڭارسون مسكين كيبدا يجمع وعيا، وكايتسنا غير فوقاش يفدي دكشي. واحد نهار عطا ليه 100دريال مجموعة. هوا فرح وردلو صرف 50ريال، ريالات ورماها. هوا يقوليه دك راجل : زدني عافاك شي قهوة خرا...
--------------------------------------------------------------------------
هادا واحد لبنت كاتسنا شي واحد ايجي يخطبها. واحد نهار جا واحد خيّنا قال ليهوم انا عندي طياير و عندي لمحلات وسوبيرمارشيات ولڤيلات ولفيرمات ولكن كاين ديفو واحد. قاليه باها وامين ديفو واحد ماكاين تا مشكل غير قول، قال ليه انا كديديب شويا.