ها لي قلنا.. دنيا باطمة قلباتها صباط مع أقرب وحدة ليها وبداو فحشيان الهضرة وضريب المعاني -تدوينات

كيفما جابت گود التبركَيكَة هادي شهر، دنيا باطمة خرجات للعيب مع صاحبتها المصممة سناء لي مشهورة ب”شيك شوب” ولي كانت معاها أيامات سمعو ليها البوليس في قضية “حمزة مون بيبي” وكانت بانت بحال “شوماخار” وهي صايكَة بيها وهربانة من الصحافة.
دنيا نقلات المشكل للانترنت وقالت في ستوريات على حسابها في انستكَرام أنه ماكاين ثقة والأصدقاء المنافقين أسوء من عشرة ديال الأعداء.. وشلا هضرة فيها المعاني والدقان وحشيان الهضرة.
سناء ماتعطلاتش وجاوبات وقالت مغاديش تدي عليها حيت قالت الهضرة في حالة غضب.
والمعلومة لي جابت “كَود” في وقت سابق أن الخواتات قلبوها صباط مع صاحبتهم وناض الصداع بسباب القيل والقال وكاينين اتهامات أنها كتخرج الهضرة ديالهم.
وفي الوقت لي كانت باطمة كتسنا الناس يجيو عندها ويسولو فيها من بعد ما سمعو ليها البوليس في قضية العصابة، كانت سناء كتمنعهم، ودنيا حسات أنها معندهاش الصحاب وبقات وحيدة بدون أي دعم ولا سند.