قضية “حمزة مون بيبي”.. نايضة كلاشات فالكليكة ديال دنيا باطمة

أسابيع بعدما سمعو الشرطة للمغنية دنيا باطمة وختها ابتسام في قضية حمزة مون بيبي لي كان داير حسابات مختصة في ابتزاز وتشهير وسب المشاهر والناس العاديين، مازال التداعيات على دنيا مستمرة.
التبركَيكة لي جابت “كَود” أن الخواتات قلبوها صباط مع صاحبتهم مصممة الأزياء سناء لي مشهورة ب”شيك شوب” لي بانت معاهم في فيديو ملي كانو خارجات من التحقيق في كازا ولي كانت معاهم في مراكش ملي خرجو من المحكمة وتقرر متابعتهم في حالة سراح.
الكلاشات بيناتهم ناضو بسباب القيل والقال، وكاين اتهامات أنها كتخرج الهضرة ديالهم، والوقت لي كانت باطمة كتسنا الناس يجيو عندها ويسولو فيها كانت سناء كتمنعهم، وحسات دنيا أنها معندهاش الصحاب وبقات وحيدة بلا حتى دعم ولا سند.