كاين فيهم اللي بعيد وناس كبار.. مغاربة كاعيين بسبب إغلاق مركز التلقيح فعين السبع فوجوههم بلا مايعلمهم حد

مواطنين كثار، كان عندهم موعد التلقيح اليوم، استنكرو إغلاق مركز التلقيح بوسيت، بعين السبع فكازا، بدعوى ان اليوم السبت واطر الصحة مشاو يرتاحو.
وحسب ما عرفات "كود"، فنقابة هي المسؤولة على هذشي، وهذ المركز بوحدو اللي مسدود، فتحدي لمندوبية الصحة والوزارة والسلطات.
وتشكاو الناس اللي لقاو المركز مسدود، حيت ماعلموهمش قبل باش مايجيوش، وكاين فيهم اللي جا من بلايص بعيدة، كيف كاين ناس كبار عيانين ومحتاجين للتلقيح.