حصيلة كورونا والفاكسان اليوم: 3 دالمليون ونص خداو الجرعة الثانية و6 قتلهم الفيروس

فالحصيلة اليومية دفيروس كورونا المستجد اللي علنات عليها وزارة الصحة اليوم الثلاثاء 30 مارس، ففهذ 24 ساعة الأخيرة تقاسو 665، وماتو 6، وفالمجموع مازال 3443 كيتعالجو، و3 مليون و500 ألف واخدين الجرعة الثانية دالفاكسان.
التلقيح:
تلقحو فالمغرب ضد كورونا فحدود اليوم 4315802 بالجرعة اللولة، و3566498 خداو الجرعة الثانية منهار بدات حملة التلقيح.
الإصابات:
تقاسو اليوم 665 واحد من أصل 11935 واحد دار التحليلة، ووصل عدد المصابين فالمجموع ل495421.
ووصل مؤشر الإصابة التراكمي ل1362,5 لكل 100 ألف نسمة، بمعدل 1,8 لكل 100 ألف نسمة فهذ 24 ساعة.
حالات الشفاء:
تشافاو اليوم 580، ووصل الإجمالي ل483165، بنسبة تعافي ديال 97,5 فالمية.
الحالات النشيطة والحرجة:
نزلو عدد الحالات النشيطة ل3443، وعدد الحالات الحرجة وصلو ل419 حالة، و31 واحد تدهورات حالتو غير اليوم، ووصلات نسبة ملء أسرة الإنعاش ل13,3 فالمية، اما الناس اللي تحت التنفس الاصطناعي الاختراقي فبلغ عددهم 25.
الوفيات:
اليوم ماتو 6، ووصل هكذا عدد دالوفيات ل8813، بنسبة إماتة ديال 1,8 فالمية.