بوليس هولاندا وبلجيكا لقاو حوايج زعيمة عصابات المغربية اللي مفقودة من 2019

لقاو البوليس دهولندا وبلجيكا، مؤخرا، حوايج وصاك مدفونين فالتراب فمخزن بنواحي انتويربن، من المرجح يكونو ديال مواطنة هولدنية من أصل مغربي، مفقودة من 2019.
والبوليس لقاو هذشي من بعد ما قلبو المخزن بالاستعانة بالكلاب لعدة أيام، فإطار التحقيقات المفتوحة فقضية اختفاء (نعيمة ج.)، اللي رجحو تكون تقتلات، وتم إخفاء جثتها وحوايجها ومن طرف العصابات، ودابا كيدرسو واش يكونو هذ الحوايج ديالها ولا لا.
وتبين، حسب التحقيقات، أن المفقودة (54 عام) هي من زعماء تهريب المخدرات، وكتنشط فمالاكَا فسبانيا، كمنسقة بين مختلف العصابات.
وكانت نعيمة من الشخصيات الرئيسية المشتبه فيها فمحاولة تهريب 3800 كيلو دالكوكايين، فإطار عملية تهريب 4 طن من الكوكايين فالمجموع من كوستاريكا لهولندا، بالاتفاق مع ضابط من الجمارك، وكانت تشدات فميناء روتردام فيونيو عام 2016.