وزارة الصحة للمغاربة: وتوما ديرو لكمايم مزيان راه باقيين ما فتناش الواد ونشفو رجلينا مع هاد كورونا

وزارة الصحة تالفة. شافت كلشي تطلق وهي تخرج ببيان دعات فيه لمغاربة يردو البال ويحتاطو بزاف مما سماتو مواجهة "ظهور طفرات جديدة لفيروس كورونا.
الوزارة قالت فبيان ليها باللي هاد الطفرات وصلو لحد الان ل24 سلالة فالعالم وان مختبرات المراقبة الجينية وتتبع السلالة ديال المغرب كشفات عن 21 متحور جديد من السلالة النگليزية
وقالت الوزارة باللي لحد الان ما عندنا حتى شي متحور جنوب افريقي.
الوزارة قالت باللي مازال ما وصلناش للمناعة الجماعية وعليه خاصنا نردو البال وخاص الامتثال الصارم للتدابير الوقائية من خلال لبس لكمامة مزيان واحترام التباعد الجسدي وغسيل ليدين