سيدنا مدوز راس العام ففاس

علمت "كود" من مصدر مطلع، أن الملك محمد السادس غادي يقدر يدوّز راس العام ففاس. مصدر "كود" كشف على أن الزيارة ديال سيدنا تقدر تطول شويا فهاد المدينة اللّي كيجي ليا بزاف وكيلقا فيها راحتو.
وأشار المصدر نفسه إلى أن الملك يفضل قضاء وقته بالضيعة الملكية "الضويات" لي كاينة فمولاي يعقوب وبعيدة على فاس بحوالي 12 كلم. زيارة الملك لفاس دفعات عدد من المسؤولين باش ميغادروش المكاتب ديالهوم ويخرجو للتيران.
سلطات محلية وأمنية عايشة استنفار كبير باش الزيارة دالملك تدوز على خير ومزيانة. هاد الزيارة تقدر تطول وتفوت شهر حسب ما كشف عنه مصدر "كود" واللّي زاد أكد أن تعزيزات أمنية وصلات لفاس هاد اليومين الأخيرين.