السعودية.. المحكمة حكْمات على المناضلة النسائية "لجين الهذلول" بالحبس 5 سنين و الزيادة

من بعد أكثر من عامين دوزاتهم فالحبس وهي كتسنا الحكم ديالها، قررات المحكمة الجزائية المختصة فالسعودية اليوم الاثنين حبس الناشطة الحقوقية لجين الهذلول لمدة 5 سنين و 8 شهور نافذة.. حكم قاسي وصادم ليها ولعائلتها و لبزاف ديال المتتبعين.
وأدانت المحكمة لجين بتهم كبيرة من بينها محاولة إلحاق الضرر بالأمن القومي ديال السعودية ومحاولتها خدمة مصالح خارجية داخل المملكة.
وكانت الشابة لجين الهذلول، وهي الناشطة الحقوقية المعروفة بالدفاع عن حقوق النساء في بلاد الحرمين، تشدّات قبل ما يخرج القرار الرسمي بالسماح للمرأة السعودية بقيادة السيارة ف 2018، وهي القضية اللي كانت لجين وغيرها من الناشطات المعتقلات ديما كيطالبو بيها علنا.. واخا المسؤولين السعوديين كيقولو بللّي ماكاينة حتى علاقة بين اعتقال الناشطات السعوديات وهاذ القضية.
و من جهة اخرى قالت بعض الجمعيات الحقوقية وحتى العائلة ديال الهذلول بإن لجين تكرفسو عليها و تمارس عليها التعذيب بالتريسينتي زيادة على التهديد بالاعتداء عليها جنسيا، وهي تهم كتنفيها السلطات السعودية.
—
المقال الأصلي:
https://www.bbc.com/arabic/middleeast-55468562