جبد على راسو الصداع.. متتبعين طوطو حيّدو ليه المتابعة من حسابو لهاد السبب

تحايل الرابور طه الفحصي، المشهور بلقب "el grande toto" على المتتبعين ديالو، وقال ليهم غادي ينشر ليهم ألبوم جديد مع 3 ديال الصباح، ومن بعد حط ليهم فيلم وثائقي فيه 52 دقيقة كيهضر فيه على راسو.
طوطو جبد على راسو النحل، والتقوليبة لي دار للمتتبعين ديالو ما دوزوهاش ليه، وعدد كبير منهم حيدو ليه المتابعة.
العمل الجديد ديال طوطو عبارة عن فيلم وثائقي، سماه "حلمت أدو"، ولي كرم فيه الوالدة ديالو لي توفات قبل أشهر بسبب الكونصير.
طوطو شارك مع المتتبعين ديالو التيزر والبوستر ديال الوثائقي، قبل ما يلوح الرابط ديالو كامل.
https://www.instagram.com/p/CJUwsMSFVcm/?igshid=1o1lgvyrdq5ii