السلاوي فتعليقو على سلالة كورونا الجديدة: صعيب تقاوم اللقاحات ولكن حتى حاجة مامستحيلة فالعلوم

قال منصف السلاوي، رئيس عملية Warp Speed ديال تطوير اللقاح المضاد لفيروس كورونا فميريكان، أنه من المستبعد تقدر الطفرة الجديدة ديال فيروس كورونا المستجد اللي بانت مؤخر فبريطانيا تقاوم تركيبة اللقاحات اللي كاينة، ولكن هذشي ماشي مستحيل فنفس الوقت، و"تاحاجة ما مايمكنش فالعلوم".
وزاد السلاوي، العالم الأمريكي من اصول مغربية، فلقاء ليه على قناة CNN ولبارح الأحد، أنه بزاف ديال الفيروسات كتتطور فنفس الوقت عبر العالم، ولكن هذ النوع من السلالات صعيب تفلت من الفاكسان اللي مكون من تركيبات ديال البروتين اللي كتقوي المناعة باش تقوم هذشي.
وصرح السلاوي أن المسؤولين على الصحة فميريكان مازال ماعرفينش على هذ الطفرة بزاف، مازال كيبحثو بعناية وحذر بخصوصها.