هادي شوهة ليه ولحزبو.. رئيس الحكومة دار خرجة اعلامية فاشلة بلغة الخشب مع موقع الكتروني مامعروفش ومافايتش 600 مشاهدة فنهار

سعد الدين العثماني الملقب اعلاميا ب"بنعرفة"، كيبقا رئيس حكومة ضعيف بزاف سياسيا واعلاميا..مافيدوش بكل اختصار وها علاش:
لبارح دار بنعرفة خرجة اعلامية عند شي موقع الكتروني جديد ديال شي استاذ جامعي معرفناش كيفاش تا ولى استاذ بعدا عاد نعرفو كيفاش دارو ليه موقع الكتروني يسيرو هو وكيفاش وكيفاش..
مهم نرجعو للخرجة الاعلامية المهزوزة اللي وصلات 579 مشاهدة الى حدود كتابة هذه الاسطر.
حوار فهاد الظرفية ديال الحرب الاعلامية مع البوليساريو والدزاير وقضية اللقاح لي كولشي كيتسنا الحكومة تهضر، وف الاخير داز خرجة مع موقع ممعروفش بلاصت مايمشي يديرو حوار ولا ندوة صحافية بحضور الصحافيين عن بعد ولا عن حضور.
غير هي خرجة اعلامية فاشلة مقالش فيها تا جديد، لغة الخشب. مهضرش على جديد الفاكسان معطاش تفاصيل. هضر ف العموميات.