كورونا قتلات طبيب فالفقيه بنصالح

علنات المندوبية الإقليمية دوزارة الصحة فالفقيه بنصالح على وفاة طبيب فالقطاع بفيروس كورونا.
وقالت المندوبية، فبوست ليها على "فيسبوك"، بأن الطبيب كان كيتعالج فالسبيطار الإقليمي للفقيه بن صالح، وتهز للإنعاش بالمركز الجهوي الاستشفائي فمدينة بني ملال فاش تدهورات الحالة ديالو الصحية.
والطبيب المتوفى، حسب مصادر محلية، فعمرو 31 عام، متزوج وأب لطفلة عندها 3 سنوات، وماكان عندو حتى شي مرض قبل ما يتقاس بكورونا.