وزير اول ايام الحسن الثاني مات اليوم فكازا. اوفقير ورطو فقضية فساد وكان وزير للخارجية

اليوم مات فكازا احمد العراقي الوزير الاول الاسبق ايام الحسن الثاني. السياسي المغربي مات وعمرو 89 عام بعد مسار طويل كواحد من رجالات الحسن الثاني لسنوات.
تزاد ففاس وامتهن الطب. دوز الخارجية ايام العز ديالها مع الحسن الثاني 1967. هذا كان جابو احد رجالات الحسن الثاني الاقوياء يتعلق الامر بالحاج احمد بلا فريج. هو اللي دخلو للديبلوماسية.
بقى كيدرج حتى ولى وزير للخارجية فوزير اول. ظاهريا كان الشاف ديال الجينرال اوفقير اللي كان حينها وزير للداخلية.
عاش المحاولة الانقلابية الفاشلة اللي دارها اوفقير للحسن الثاني. قبلها كان الجينرال الشهير ورطو مع وزراء خراين فقضية فساد.
بعد هاد الشي بعد على السياسة وما يجي منها. دوز شي سنوات فباريس قبل ما يرجع للمغرب