الحموشي وحرمو والمنصوري اول من جرب ڤاكسان "كورونا" فالمغرب. اللقاح الصيني جربوه 600 من مسؤولين كبار فالجيش والجدارمية والمخابرات والبوليس وتجرب فدول اخرى

عبد اللطيف الحموشي المدير العام للمديرية العامة للامن الوطني ومدير المخابرات الداخلية وياسين المنصوري مدير مديرية المستندات والوثائق "المخابرات الخارجية" والجينرال محمد حرمو باطرو الجدارمية كلهم دارو الڤانكسان ديال كورونا فيروس فالمغرب.
هاد الشي اكدو مصدر مؤكد ل"ماروك ديبلوماتيك". اللي قالت باللي اكثر من 600 فرد من الجيش المغربي والبوليس والجدارمية والمخابرات الخارجية والمخابرات الداخلية دارو هاد اللقاح.
هاد اللقاح الصيني ديال مختبر "سينوفارم" فالمرحلة الثالثة اللي فيه تجارب سريرية. المغرب كان دار اتفاقيات جوج مع مخبر شينيوي "سينوفارم سي ان بي جي".
الملك كان اتصل بالرئيس الصيبي قبل مدة فهاد السياق.
دابا المغرب كان من دول دار فيها هاد الفاكسان لمسؤولين فالدولة