منصف السلاوي غادي يهدر على وقتاش يوجد ڤاكسان دكورونا فيروس وكيفاش وفاة ختو بالعواية غير حياتو. هاد الشي كولو عند "رشيد شاو" ف"دوزيم"

علمت "كود"، أن المنشط رشيد العلالي، مقدم برنامج "رشيد شو"، غادي يستاضف يوم الجمعة المقبل العالم المغربي منصف السلاوي، الذي تم تعيينه من قبل الرئيس الأميركي، دونالد ترامب، على رأس مبادرة البيت الأبيض لتطوير لقاح ضد فيروس "كورونا" .
وحسب مصدر "كود"، فإن العالم المغربي غادي يدير حلقة مع "رشيد شو"، وفيها 45 دقيقة، وغادي يهضر فيها على بزاف ديال الأسرار، ومن بينها علاقة وفاة اختو الصغيرة اللّي ماتت وعمرها 6 أشهر بعدما مرضات ب"السعال الديكي".
العالم المغربي فهاد البرنامج الذي يحظى بقاعدة جماهرية كبيرة غادي يهضر حتى على كيفاش وصل للبيت الأبيض، وواش كان موافق أو لا، واللّي زوين فهاد الحوار هو غادي يقول السلاوي وقتاش غادي يكون اللقاح ضد "كورونا".
منصف السلاوي، حسب مصدر "كود"، أكد فهاد الحلقة الخاصة ديال "رشيد شو" أنه شاد عليه في شقة بمدينة واشنطن الأمريكية، وكيخدم 18 ساعة.