سمعو يا لمغاربة. ها الشروط 3 الجديدة باش دخلو لفرانسا

فرنسا ما بقاتش تقبل شي حد يجيها من المغرب الا ايلى دار تيست. هاد الشي اللي تقرر ورسلاتو السفارة الفرنسية بالمغرب لمواطنيها وللي باغيين يمشيو ليها. واكدت الرسالة انه في اطار حالة الطوارئ الصحية بالمغرب فان هناك شروط جديدة من الاتحاد الاوربي بخصوص التنقل. لذا فالمواطنين الفرنسيين تضيف الرسالة٬ والمغاربة المقيمين في فرنسا والطلبة الي كيقراو تماك وطبعا عندهم فيزا اقامة طويلة٬ يمكن ليهم يدخلو التراب الفرنسي٬ ولكن خاصهم رخصة تنقل دولية وتصريح بالشرف وتيست "بي سي ار" قل من 72 ساعة
طبعا الارقام الكبيرة فالمغرب خلات الاتحاد الاوربي تحيدنا من البلاد اللي فيها تحكم فالجايحة. كل نهار عدد مرتفع من الوفيات بحال اليوم وصلنا 31 قتيل ف24 ساعة واكثر من 1200 حالة راه كتخلع واخا هما ففرانسا عندهم عدد اكبر من الحالات يوميا.