قضية المحامي اللّي شبع سبان فقايد كبرات: النيابة العامة دخلات على الخط وأمرت بفتح تحقيق ووزارة الداخلية دخلات طرف مدني

علمت "كود"، من مصادر مطلعة، أن النيابة العامة المختصة أمرت بإجراء بحث دقيق حول تسجيل صوتي يتم تداوله بين مستعملي تقنية التراسل الفوري "واتساب"، منسوب لمحامي يُعرض فيه رجل سلطة "قائد" للسب والقذف.
ووفق ما كشفت عنه مصادر "كود"، فإن وزارة الداخلية قررت الدخول كطرف مدني في هذه القضية، التي تسيء لمؤسسة كبيرة تعمل ليلا نهارا خدمة للوطن، وخلفت سخطا عارما بين رجال السلطة.
وقالت المصادر ل"كود"، أن هاد المحامي لي كان توقف عن عمله سيتم الاستماع إليه بتعليمات من النيابة العامة. دبا الداخلية قررت مؤازرة القايد لي كيخدم بمنطقة "أبي الجعد" أمام القضاء، ويستحيل تقبل بهادشي، ومني كتشوف شي حد ديالها مظلوم كتوقف معاه ومني كتشوف شي حد ديالها داير المشكل كتعاقبو ومتعقلش عليه.
السؤال المطروح هو علاش المحاميين ميخرجوش يندو بهادشي لي دار زميل ديالهوم. الاحتجاجات ديال كازا خرجو ببيانات كثيرة وناضو يغوتو حقاش السلطات المختصة أمرت بتفريغ مكتب ديال شي زميل ليهم لكن هذا نقاش آخر. دبا علاش ميخرجوش يندو بهادشي لي دارو زميل ليهوم لي اعطا صورة خايبة على المحامي.
مهنة المحاماة مهنة شريفة وبطبيعة الحال فيها الصالح والطالح كباقي المهن. لكن داك التسجيل الصوتي ديال المحامي المذكور يسيء للمهنة بزاف بزاف وخايب.