تناقضات الولاة ف منع الشراب،محبوس ف فاس و مطلوق ف مراكش

سعيد زنيبر والي جهة فاس مكناس ممسوقش للحركة الاقتصادية والسياحية ديال فاس وباين معندو بيها حتى شي غرض. أصحاب المحلات ديال بيع المشروبات الكحولية في المدينة تفاجئوا كولهوم بقرار “معمرو كان” يقضي بتوقيف بيع الشراب ابتداء من اليوم الخميس بمناسبة حلول شهر رمضان.
أحد المهنيين في قطاع السياحة قال ل”كود” أن الوالي كان كيوقف ليهوم يومين قبل حلول شهر رمضان لكن دبا تفاجئوا بهاد القرار، في الوقت اللي باقي المدن خدامين ومحركين السياحة ديالهوم، سيما بحال مراكش اللي الوالي ديالها قافز ومخلي لمدينة تخدم وقرر باش يحبس ليهوم الشراب حتى ليوم الأحد.