عاجل. النجم رفيق بوبكر تشد. غادي يدوز الليلة فالحراسة النظرية وقضيتو صعابت

الممثل رفيق بوبكر غادي يدوز الليلة فالكوميسارية. فقد تقرر يديرو ليه الحراسة النظرية قبل قليل وفق ما علمته "كود". وكان وكيل الملك بزجرية عين السبع فكازا امر بفتح بحث حول فيديو بان فيه الممثل ناشط ومقصر وهدر على امور كثيرة عندها علاقة بالدين.
بعد هاد الامر استدعاتو الشرطة القضائية الولائية للدار البيضاء للاستماع إليه وبعد ذلك تقرر يخليوه فالحراسة النظرية.
دابا غالبا غادي يدوز 48 ساعة قبل ما يتحسم ملفو والقضية اللي غادي يتابع بيها: واش الازراء بالاديان ولا شي حاجة اخرى.
دابا الممثل اعتاذر وشرح اش وقع. فهاد الحالات اللي خاصو يتشد هو اللي نشر الفيديو. اللي سربو. فحالة الي كان ضد ارادة الممثل تصور.
للي بان فالتسجيل ان شي ادمين ديال واحد لكروب ديال الشراب طلب منو فيديو. استعمال شخصي. هو اللي سربو فالواتساب.