وزير الصحة جرا على مدير سبيطار "المامونية" فمراكش

اعفى وزير الصحة، خالد آيت الطالب، لبارح الجمعة بالليل، مدير السبيطار الجهوي لابن زهر "المامونية"، وهذشي بشكل مفاجئ.
وحسب مصادر محلية، فسبب الإعفاء راجع لضعف الخدمات كيقدمها السبيطار لمصابي فيروس كورونا المستجد "كوفيد-19″، وتقاعس مدير المركز الاستشفائي في أداء المهام ديالو فالسبيطار.
ورجحات مصادر يكون الإعفاء استجابة لشكايات مجموعة من النقابات اللي انتقدو فيها وضعية دالسبيطار، وتفاعلا مع واحد الفيديو كان تنشر فنطاق محدود ف"السوشل ميديا"، كيبين مصابين بكورونا كياكلو لعدس، فظروف كتنعدم فيها شروط الوقاية.