سلطات طنجة عزلات بني مكادة بعد تسجيل بؤر عائلية فيها

سدات سلطات طنجة، لبارح الأربعاء، منطقة بني مكادة وعزلاتها كلها بتطويقها بالباريير دالسيما بسباب كورونا.
هادشي اللي دارتو السلطات، كيهدف لعزل المنطقة لتفادي انتشار الفيروس، حيث خلات معبرين فقط للدخول والخروج للمنطقة، وهاد المعبرين غايكونو فيد البوليس اللي غايتشدد باجراءات صارمة عليهم.
العزل اللي دارتو السلطات لمنطقة بني مكادة جا بعدما سجلات بؤر عائلية وسجلات اكبر نسبة اصابات بالمدينة.