قضية وفاة سيدة فتاونات فعملية دالهدم وصلات للبرلمان والجمعيات كيحتجو

مازال حادث وفاة سيدة عندها 55 عام، فدوار واد الملاح، الكلتة الحايلة فتاونات، (وفاتها) فعملية ديال هدم بناء عشوائي الأربعاء اللي فات كثّير التساؤلات والجدل، والقضية دابا وصلات للبرلمان، وحتى جمعيات حقوقية صدرات بيانات باش كتطالب بفتح تحقيق فالقضية.
المستشار البرلماني علي العسري، المنتمي لفريق العدالة والتنمية بمجلس المستشارين، طالب وزير الداخلية عبد الوافي لفتيت، باش يفتح تحقيق في ظروف وحيثيات وفاة السيدة (ن.ص)، بعدما طاحت فظروف غامضة وماتت فاش كانو السلطات كيهدمو البناية غير المرخصة.
بدورها، جمعيات كثيرة دخلات على الخط، وابرزها الجمعية المغربية لحقوق الإنسان اللي طالبات فبيان ليها، حصلات عليه "كود"، باش يتدار تحقيق، وجزاءات قانونية فحق كل من تبث تورطه فهذ الواقعة.
واستغربات الجمعية من "إقدام السلطات المحلية بتاونات على عملية الهدم في هاته الظروف الإستثناية"، وتساءلات على "الأساس القانوني اللي اعتمدتو قائدة المنطقة لتنفيذ الهدم رفقة أعوانها".