باش ماينتشرش "كورونا" فالحباسات.. مفوضية حقوق الإنسان فالأمم المتحدة كتطالب بإطلاق سراح المعتقلين

طالبات ميشيل باشليت، المفوضة السامية لحقوق الإنسان في الأمم المتحدة، بالإفراج على المعتقلين عبر العالم، فهذ الظرفية الصعبة اللي كايمر منها العالم بأسره، بعد إصابة حوالي نص مليون شخص بفيروس "كورونا"، ووفاة أكثر 20 ألف واحد منهم جراء هذ الفيروس.
باشليت أكدات بللي خاص يتم إطلاق سراح المعتقلين، لتفادي انتشار الفيروس فالحباسات اللي كاتكون عامرة بزاف، وطالبات الحكومات باش تطلق سراح على وجه الخصوص الناس الكبار، والمرضى.
وطالبات المفوضة السامية، اللي سبق ليها كانت رئيسة للحكومة الشيلية، بإطلاق سراح الحباسة اللي مكايشكلوش خطر على المجتمع، بحال المعتقلين السياسيين، ومعتقلي الرأي والنقد.