المغربية مريم حسين مازال كتكلاشي فبرنامج "رامز مجنون رسميا": كاين شي فنانات مدلولات شاركو معاه.. وأنا بنتي ولات عنيفة بسبابو

مازال ردود الأفعال ضد برنامج "رامز مجنون رسميا" مستمرة، وهاد المرة خرجات الممثلة المغربية مريم حسين لي مستقرة في دبي باش تدوي عليه وقالت أنه خرج ليها على تربية بنتها وولات عنيفة.
مريم وباش تستدرك كلامها، قالت أن العيب فيها هي لي تفرجات في الحلقات بحضور بنتها وأنها مستقبلا أي حاجة غادي تشوفها بوحدها.
وحطات المغربية بزاف ديال الستوريز في سناب شات ديالها دوات فيهم على الموضوع وبينات بنتها كتضرب فيها ورجعات السبب لرامز.
وعبرات مريم حسين عن اعجابها بشخصية الممثل السعودي حسن عسيري لي ممتاثلش ليه، وفي المقابل قالت أنه شي فنانات مدلولات دازو معاه في البرنماج وطيحو الدل على راسهم.