طاليس كيدافع على راسو.. أنا ما دايرش كاميرا خفية باش تتهموني بالفبركة

خرج الكوميدي عبد العالي لمهر، المعروف بطاليس باش يدافع على راسو من تهمة الفبركة لي اتهمو بيها واحد المشارك سبق شارك معاه في الحلقة الأولى من برنامج "فين غادي" لي كيدوز في القناة الثانية بمشاركة الكوميدي باسو.
طاليس حط بوسط في حسابو على انستكَرام وقال فيه أن فكرة البرنامج ماشي كاميرا خفية و"فين غادي" ماشي هذا هو الكونسيبط ديالو، حيث ملي كطلع للطاكسي كاتشوف الكاميرات قدامك، وفريق الإعداد كيقولها لك من الأول.
طاليس شارك لقطات من البرنامج ومن حلقتو الأولى في الستوريات وقال أن التوضيب ما كيبدلش من الفكرة الرئيسية ديال البرنامج.