جهة طنجة تطوان بدات كتدير تيستات كورونا فسبيطار ديال الكونسير

بدات وزارة الصحة كتدير التحاليل المخبرية فجهة طنجة تطوان فالوحدة الاستشفائية ديال السرطان فطنجة، باش ماتتعطلش فالكشف على النتائج المخبرية الخاصة بالجهة.
وبحكم ماكاينش مستشفى جامعي فطنجة اللي يتكلف بإجراء التحاليل، العينات المخبرية كاتمشي حتى للرباط، وهذشي كيخلي الجهة تتعطل فالحصول على النتائج، حيت ماكاين حتى شي مركز طبي كيجري التحاليل فعاصمة البوغاز.
ونورمالمون كان خاص المستشفى الجامعي هو اللي يتكلف بهذ التحاليل، لكن مازال ما كمل فالبني ديالو، ومازال غيخصو التجهيز.
وهكا، غادي يخفف الضغط شوية على السبيطار ميليتير والمعهد الوطني للصحة فالرباط، اللي كيتكلفو بإجراء التحاليل لكَاع الحالات المشكوك فيها فالشمال.