أجيو قنعونا ان هادشي ماشي تمثيل.. "الكاميرا خفية" ناقلين فكرة من المصريين باش يضحكو بيها المغاربة -فيديو

واش هاد الناس لي كيديرو لينا الكاميرا خفية في شهر رمضان عزيز عليهم يضحكو على الشعب، ولا كيبان ليهم أننا ما كنفهموش حتى لهاد الدرجة وباغين يقنعونا أنه داك المهزلة ماشي تمثيل والمقالب حقيقية.
مع أول نهار رمضان طلات علينا "مشيتي فيها" لي ولات من الضروريات بحالها بحال الحريرة في رمضان عند المغاربة، التمثيل فيها وفهمناه ولكن تجيب فكرة ديال المصريين تفرجنا فيها حتى عيينا وتقول لينا اجيو ضحكو مع الستاتية لا.
للأسف النسخة ديال كاميرا كاشي هاد العام مقلدة 100 في 100 للفكرة المصرية "هاني في الأدغال" لي قدمها في رمضان 2019 الممثل المصري هاني رمزي في غابات إفريقيا وعاودوها لينا لمغاربة هاد العام.