فبودكاست "حيت أنا راجل" كيبين بللي شقا الدار ماشي من اختصاص العيالات وحدهم.. سعيد باي: كنطيب ونغسل للماعن ونعاون بنتي فليدوفوار.. وخاصنا نتعاونو على الشقا – فيديو

"حيت أنا راجل" هو بودكاست جديد طلقاتو الناشطة الحقوقية صونيا الطراب، مؤسسة حركة خارجات على القانون، غيشاركو فيه مجموعة من المشاهير الرجال اللي غيتكلمو على علاقتهم مع أسرتهم، وكيفاش كيتعاونو مع عيالاتهم فالشقا، وكيقشمو المهام بشكل متساوي بيناتهم.
#لأني_راجل#Because_Iam_a_manUne campagne réalisée (à distance !) par Sonia Terrab, co-fondatrice du mouvement des Moroccan Outlaws ???? ONU Femmes ONU Femmes Maghreb 2M.ma
Publiée par خارجة على القانون Moroccan outlaws sur Dimanche 19 avril 2020
البداية كانت مع الممثل الشاب سعيد باي، اللي تكلم على تجربتو فهذ الحجر الصحي، وكفاش تعلم يدير شحال من حاجة، وبللي مؤخرا دار الطنجية، وولا يغسل الماعن، ويعاون بنتو فليدوفوار ديالها.
وقال باي بللي لازم أفراد الاسرة يتعاونو على الشقى، ويقسمو بينهم المهام، خصوصا فهذ الفترة الصعيبة اللي كتمر منها البلاد مع فيروس كورونا المستجد، من بعد ما ولا كلشي كَالس فالدار.