حمزة مون بيبي.. لأول مرة الوالدة ديال دنيا باطمة علقات على قضية بنتها ابتسام لي فالحبس: الله ياخذ الحق فكل من ظلمك

لأول مرة علقت أم دنيا باطمة، ليلى أطاسي على اعتقال بنتها ابتسام لي متابعة في قضية حمزة مون بيبي ومشدودة شهر دابا في سجن لوداية في مراكش.
ليلى أطاسي نشرات على الحساب ديالها في انستكَرام صورة بنتها كتبكي، وكتبات عليها "الله ياخذ الحق في كل من ظلمك وافترى عليك وقال ما ليس فيك.. فوضت أمري لله".
أم ابتسام ودنيا كتعيش أيام صعيبة حسب ما أكدات ل"كود" مصادر قريبة من العائلة، ليلى غير كتبكي وكتقول بأنه بناتها ما عندهم حتى شي علاقة مع حساب حمزة مون بيبي، وغير عيشة عياش بغات تورط ابتسام معاها ودخلاتها للحبس باعتراف أمام قاضي التحقيق.