واش لكمايم ناقصين جودة؟ مصدر من وزارة الصناعة ل"كود": خدامين بمعايير دولية

واش لكمايم اللي كتيباعو لينا دابا جودتهم ناقصة؟ مصدر "كود" من وزارة الصناعة والتجارة استغرب من هاد السؤال. قال ل"كود" "هادو راهم دارو بمعايير دولية". ثم اضاف ل"كود" "فيهم معايير واضحة: يغطي النيف والفم وما يخنقش وما يديرش الحساسية لمستعملو ويمكن ليك تتكلم وانت دايرو".
المصدر اكد ل"كود" ان هناك مراكز تقنية دارت اختبارات على الجودة ديالو وعندو شهادة المطابقة. مشددا فتصريحو ل"كود" "فرضنا على الشركات باش يكون فيه تشديد على انو صالح ل4 سوايع صافي" ثم الثمن راه مدعوم وباللي القرار اتخدو صاحب الجلالة الملك محمد السادس باش يكون فمتناول المغاربة.
المصدر اكد ل"كود" باللي هادا راه ماشي ديال لا الاطباء والناس الصحة اللي كيكونو فالصبيطارات ولا للمرضى. هادا للمواطنين للاستعمال اليومي برا الدار. كما اضاف ان هناك انواع من هاد الماسكات. وباللي اللي مدعوم كيحقق المطلوب منو وهو حماية مستعمله من انتقال الفيروس.