فايك نيوز. رد بالك.. شي وحدين كيروجو خبر امتداد الحجر الصحي حتى ليوليوز.. هادشي كذوب

روجو شيوحدين على مواقع التواصل الاجتماعي، ومن خلال تطبيق "واتساب" خصوصا، واحد الصورة زائفة لشريط إخباري فقناة "ميدي1 تيفي"، بحيت تمت إعادة تركيب طيكسط جديد فوق الشريط، ويمكن لاي واحد يكتشف هذشي غير بملاحظة بسيطة لهذ الشريط، وكيفاش الخط ديالو مبدل على المألوف.
هذ الناس هذو كتبو، فهذ الشريط الأحمر، بللي الحجر الصحي فالمغرب غدي يمتد حتى لشهر يوليوز 2020، لكن هذ الخبار لا أساس ليه من الصحة، وماكاينة لحد الساعة حتى شي حاجة رسمية كتقول بللي الحجر غيتمدد ولا لا.
وكانت وزارة الداخلية، فبيان مشترك ليها مع وزارة الصحة، علنات بللي الحجر الصحي غادي يستمر حتى ل20 من هذ الشهر، وغالبا إلى كان شي تمديد، غادي تصدر بلاغ رسمي جديد.