طيارة فيها 50 طن من المواد باش نحاربو كورونا فيروس وصلات لكازا. هادي هي الطيارة الثالثة وغدا طيارة اخرى غادية هاد المرة لكوريا باش تجيب 100 الف تيست

علمت "كود" ان الطيارة التابعة ل"لخطوط الملكية المغربية" غادية غدا 3 ابريل 2020 تمشي لكوريا الجنوبية باش تجيب 100 الف تيست ومواد اخرى. هاد الطيارة وفق مصدر "كود" من الطيارات لكبار اللي يمكن ليها تهز ما بين 50 و60 طن.
ووفق مصدر "كود" فان طيارة من نفس الحجم وصلات اليوم للمغرب قادمة من الصين. هاد الطيارة هي الثالثة من نوعها اللي مشات لهاد البلد.
دابا المغرب يقدر يوصل ليه التيست من كوريا الجنوبية الاثنين اللي جاي او الاحد.