گلس فدارك.. أسماء لمنور طلقات فيديو مع الفنانين باش المغاربة مايخرجوش ونحدو من انتشار كورونا -فيديو

من نهار تعلن على ارتفاع عدد المصابين بفيروس كورونا في المغرب وأسماء لمنور خدامة في حملة توعوية على صفحتها في الأنستكَرام كتشارك مع الناس النصائح وكتطلب منهم يكَلسو في دارهم.
أسماء جمعات أصوات بزاف ديال الفنانين والكوميديين والإعلاميين في فيديو كيطلب من خلالو الناس ياخدو الحذر والوقاية باش يتمنع فيروس كورونا من الانتشار في المغرب، خصوصا أن عدد الإصابات مازال صغير وأي واحد ممكن يتصاب بيه الا ما ردش البال.
الفيديو شاركوه بزاف ديال الفنانين والصفحات على الأنستكَرام الحاجة لي كتقول أنه الصوت وصل لبزاف ديال الناس لي من المنتظر يلتزموا بالنصائح.