التخربيق فين وصل.. طارق البخاري كيصوب ماسك ضد كورونا ومُعقم اليدين في الدار بلوازم شاريهم من عند مول الماكياج -فيديوهات

كيفما كاين مروجي الأخبار الزائفة على فيروس كورونا لي كتواجههم الوزارات المتخصصة ببلاغات ديال النفي، خاص وزارة الصحة تتحزم لبعض المخربقين لي كيديرو فيديوهات ديال طريقة تحضير معقم اليدين في الدار.
من بين هاد المخربقين الممثل طارق البخاري لي دار فيديو كيدخل ويخرج في الهضرة ومعارف كيفاش يدوي، وقال أنه يمكن نصوبو المعقم في الدار فقط بمكونات لي نشريوهم من عند مول الماكياج.
الخطير في الأمر أن البخاري ستشهد في الفيديو بطبيب من معهد باستور.
التخربيق والحماق ديال البخاري موقفش عند هاد الحد، ولكن دار فيديو ثاني كيصوب فيه ماسك ضد فيروس كورونا بطريقة مبتذلة. والواحد الا مدارش الاحتياطات را هاداك الماسك يقدر هو يكون وسيلة لنقل الفيروس.
المفروض من ممثل عندو متابعين كثار أنه يوعي الناس بطريقة أكثر تحضرا ماشي بهاد الطريقة لي غير مسؤولة.