واش المدرسة العليا للتجارة و التسيير ENCG ماعندها مادّير بكلام الوزير أمزازي؟

علاش ENCG كتفرض على تلاميذ السنة الخامسة يكملو السطاجات ديالهم رغم هاذ الظرف الصعب الي كاتعيشو البلاد؟ و يبقاو فالداخلية l'internat ؟ شكون يتحمل المسؤولية الا مرض شي تلميذ؟ و علاش هاد الاستثناء و الاستهثار بقوانين وزارية و خاصة بصحة التلاميذ والناس الي خدامين فالمدرسة و لانطيرنا؟ واش بنادم ماساوي والو عند هاذ المسؤول الي خذا هاد القرار؟
واش عارفين ان البلاد كاملة تتوفر على 250 وحدة للعناية المركزة، و ان الابتعاد الاجتماعي ضرورة و ماشي خيار ؟
وزارة أمزازي خاصها تاخذ الإجراءات اللازمة فحق هاذ المسؤول الي من الواضح كيفتقر لحس المسؤولية، و يكون عبرة لكل من خالف التدابير المُتخذة ضد ڤيروس كورونا و كايخاطر بصحة الناس.