ميريكان وألمانيا كايتنافسو عليه.. فاكسان “كورونا” غايكون واجد هذ الصيف

ألمانيا وميريكان كيتنافسو على شركة ألمانية غادا كتدير تجارب باش تطور “فاكسان” ضد فيروس “كورونا” المستجد، حيت ألمانيا متمسكة بهذ الشركة، فالوقت اللي إدارة الرئيس الأمريكي دونالد ترامب كتحاول تغريها بمبالغ مالية مهمة باش تحصل عليه ميريكان بشكل حصري.
الشركة الألمانية، اللي سميتها CureVac والمقر ديالها الرئيسي فكانت علنات بللي غادي تقدر تنجح فتطوير “الفاكسان” اللي يقدر يكون واجد فالصيف، لكن ترامب مصر باش يكون هذ اللقاح “ميد إن يو إيس إي”.
وكان وزير الصحة الألماني أكد بللي المانيا كتهتم بتطوير “الفاكسانات” فالمانيا واوروبا، وقال بللي الخكومة الالمانية على تواصل داىم مع الشركة، باش تكون تابعة للحكومة الالمانية، لكن الشركة مابغاتش تعلق على هذ التنافس الالماني الميريكاني عليها، وبغات تكون محايدة لحد الساعة.
وكان قال المتحدث باسم الشركة، تورستن شولر، قال بللي التوصل إلى هذا اللقاح هو أهم أولوية عند الشركة، وبللي غايتم تقديمو سريريا فالصيف المقبل.