بعدما شدو ختها فالحبس فقضية حمزة مون بيبي.. دنيا باطمة وعائلتها مصدومين والاعتقال هرسهم وحطم نفسيتهم

اعتقال ابتسام باطمة خت المغنية دنيا باطمة نزل بحال شي صاعقة على راس عائلتها خصوصا ختها لي كانت نهار ومطال وهي كتعنت وكيسحابلها أن لي دار الذنب في قضية حمزة مون بيبي مغاديش ياخد العقوبة.
والتبركَيكَة لي جابت “كود” أن عائلة باطمة مكانوش كيتوقعو اعتقال ابتسام وهادشي لي خلا الدار ترجع عندهم بحال الا فيها شي حد ميت، الداخل كثر من الخارج والناس كيعيطو ويجيو يصبرو مها.
دنيا تقاداو ليها، ودارت بوسط في صفحاتها البارح السبت كتقول فيه “عمركم تستسلمو”.
ومن نهار بدات قضية “حمزة مون بيبي” كانت شكوك أن ابتسام باطمة هي بين الناس لي كيسيرو الحساب، وتم في الأول متابعتها في حالة سراح هي وختها دنيا بعدما حطو 80 مليون، لكن وقعو تطورات وتم اعتقالها.