مغاربة دارو حالة على شينوي ف البراق.. شكُّو فيه حامل “كُورُونَا” والسيد ماعندو حتى حاجة وها شنو قال مسؤول طبي ل”كود”

خلق مسافر شينوي حالة من الهلع اليوم الثلاثاء بين العشرات من المسافرين بقطار “البراق” المتوجه إلى عاصمة البوغاز، بعدما شكو فيه أنه يحمل “كُورُونَا” فيروس، غير حيت صيني، لكن هادشي اطلع مكاينش منو كاع، وغير الهضرة وصافي ونوع من العنصرية.
ورغم كل ذلك، يؤكد مصدر مطلع، ل”كود”، أن السلطات الطبية والمحلية بطنجة، كانت في استقبال المواطن الصيني اللي كان داير الكمامة على وجهه، إذ نقل على مثن سيارة إسعاف تابعة للوقاية المدنية، حيث تبين لاحقا أن السيد معندو حتى شي حاجة.
وأوضح مصدر طبي مسؤول، أن السيد معندوش كاع الأعراض ديال الفيروس بشكل نهائي، مشيرا إلى أن المصالح الطبية المختصة دارت ليه التحاليل، وعبرو ليه حتى الحرارة.