بسبب تفشي فيروس “كورونا” فالطاليان.. قنصلية المغرب فميلانو نقصات من فترات عملها

بسبب انتشار فيروس كورونا فالطاليان، وتحديدا فالجهة الشمالية دالبلاد، علنات القنصلية العامة دالمغرب فميلانو، أنها غادي تولي تفتح ساعات محدودة فاليوم بشكل مؤقت، بعدما كانت مسدودة شي أيام.
وأكدات القنصلية المغربية الوحيدة فجهة لومبارديا، بللي غاتولي تفتح المكتب ديالها فوجه الجالية المغربية المقيمة فالمنطقة من 10 دالصباح حتى ل2 دالنهار.
ومن المرجح أن القنصليات المغربية الأخرى تحدد حتى هي فترات زمنية قصيرة لاستقبال المغاربة، كيف ممكن تغلق مكاتبها فخطرة فجهوههم بعدما تم إخضاع الدولة بأكملها للحجر الصحي، وولا الخروج من الديور ممنوع إلا للضرورة القسوى.
وللإشارة فالمغرب عندو 7 قنصليات فالطاليان، 5 منها كاينين فالجهة الشماية فين تفشى الفيروس، وكيتعلق الأمر بقنصلية ميلانو وبولونيا وفيرونا وطورينو وروما (فالوسط الشمالي).